De regina Edida

Nobilitas patrum te magnificavit, Edida,

      Tu quoque magnificas regia sponsa patres.

Multa tibi species fuit, et sapientia multa,

      Cultus honestatis sobrietasque comes.

5

Sidera, mensuras, abacum, monochordon, et artem,

      Discendique modos, grammaticamque doces.

Notio linguarum linguas diffundere novit,

      Et morum probitas explicat ora tibi.

Vrebat binis sol egoceronta diebus,

10

      Cum tu deposito pondere carnis abis.