De abbate Serlone

Ecclesiae murus ecidit Serlone cadente,

      Virtutis gladius, buccina iustitiae.

Vera loquens, et non vanis sermonibus utens,

      A puero didicit seria sero loqui.

5

Vita tenax aequi, mens provida, libera lingua,

      Et quos corripuit principibus placuit.

Iudicium praeceps, contrarius ordinis error,

      Et levitas morum non placuere sibi.

Tertius a Iano mensis, lux tertia mensis,

10

      Cum nece suppresum, vita levavit eum.