Sed quid ad ista, Furor, uel quo uiolentia tendit?

In regem populus ut consurgat furibundus,

Plebs insana uide, tibi quid supereffluet inde:

Adueniet pestis, cedent armentaque morbis,

5

Vt bos deficiat et quod tibi uacca ministrat.

Rus reddet tenuem sterilis maledictaque messem,

Seminis et fructus persoluet uix ager ullus.

Deficient siluis glandes et germina campis,

Et copiam lactis et amittes dulcia mellis.

10

Occumbent pecudes, morientur gurgite pisces;

Dura fames homines prosternet deficientes.

Et tu, qui proprio duci submittere colla

Iam designarsi, sub Auerni duce iacebis!