De galactida

Nec minus et cineri similem galactida dicunt

Cum mulso tritum lac multiplicare bibenti.

Si tamen ante cibos fuerit post balnea sumptus

Aut ovis ex gravidae lanis traducere filum

5

Pertuso lapidi decet, et circumdare collo,

Sic se portantis fecundet ut ubera lacte;

Dat facilem partum simili ratione ligatus

Ad femur illius quae parturiendo laborat.

At si mundato circumspergatur ovili

10

Cum sale mistus aquae solis redeuntis in ortu,

Lacte replentur oves, scabies fugatur ab illis.

Praeterea tantis veteres hunc laudibus ornant,

Vt bona cuncta putent solum praestare gerenti

Quae simul a reliquis iuncta virtute darentur.

15

Sed turbat mentem si clausus in ore liquescat.

Hunc mittit Nilus, producit et hunc Achelous.

Lactis dat succum tritus, lactisque saporem.