Epitaphium Petri Pictaviensis episcopi

Virtutes quarum celebris dignatio Petri

      Moribus arrisit, colligo laude brevi.

Pieridum lyrifer, virtutum signifer, vitis

      Clavifer, Ecclesiae lucifer iste fuit.

5

Consilii ros, ingenii flos, eloquii cos,

      Palladis os, morum dos, Heliconis honos.

Praeter tot titulos quibus ille refulsit, in eius

      Floruit illaesa carne pudoris ebur.

Carnis candorem nullius carbo notavit,

10

      Illecebrae niveus flos sine labe fuit.

Qui de carne sua laudis vexilla reportans,

      Aurea quae meruit praemia victor habet.

Piscator fuit hic hominum, piscesque fuerunt

      Quinti, piscantur cum sibi fata virum