Epitaphium magistri Anselmi

Dormit in hoc tumulo celeberrimus ille magister

Anselmus, cui per diffusi climata mundi

Vndique notitiam contraxit et undique laudem

Sana fides, doctrina frequens, reverentia morum,

5

Vita pudica, manus diffundens, actio cauta,

Sermo placens, censura vigens, correctio dulcis,

Consilium sapiens, mens provida, sobria, clemens.

Sed quae larga Dei congessit gratia dotes,

Idibus invitis dissolvit Iulius ater,

10

Qua vivens viguit comitatur gratia functum.