Quot modis tentamur vitio gulae

Est notum quod quinque modis gula damnat edacem.

Cum comedit nimis, aut comedendi praevenit horam;

Cum nimio desiderio cupit, et capit, escas,

Cum vel delicias quaerit, vel deliciose

5

Praeparat haec etiam quod non est deliciosum.

Vt discernantur magis haec, exempla sequuntur

Causa fuit Sodomae peccanti panis abundans

Ieiunat populus, Ionathas ieiunia solvit.

Esuriens Esau cupit escam, vendit honorem.

10

Magna datur. Carnes plebs deliciosa requirit.

De sacro crudum puer Ofni postulat armum,

Sic ad velle suum studiose praeparat illum.