De Ganymede

Lumina, colla, gene, flavi flexura capilli,

      In Ganimede suo flamma fuere Iovi.

Iuppiter in puerum querens sibi pauca licere,

      In puero statuit cuncta licere deus.

5

Oblitusque poli curas et murmura divum

      Et linguam lese coniugis atque Iovem,

Iliacum tulit ad superos, ad sidera sidus,

      Et se tunc tandem credidit esse deum.

Vtque puer pelex visu tactuque placeret,

10

      Oscula nocte Iovi, pocula luce dabat.