Si cum viris feminas contendere

De virtute liceat constantiae

Quis virorum mentis fortitudine

Adaequari possit Iepte filiae;

5

Quae ne voti pater reus sit

Se victimam patri praebuit?

Quid fecisset in agone martirum

Si negare cogeretur dominum?

Vnde tanta virginis constantia

10

Quadam pollet spiritali gratia,

Vt sollemnes hymni virginum

Virgineum colant exitum.

Multi viri factis excellentibus

Liberarunt fideles ab hostibus,

15

Hester sola liberando populum

Hinc festivum meruit praeconium,

Vt scilicet, quam emineat

Feminarum virtus, pateat.

Quantum quippe sexus hic est fragilis,

20

Eo virtus ipsius mirabilis

Maius laudis erigit praeconium,

In praecelsum erigenda titulum.

Christo decus, ipsi gloria,

Qui tot facit mirabilia.