Flare iube lentos et lenes, Eole, uentos;

Carcere contentos coibe celeres, uiolentos!

Prodeat e claustro comitante Fauonius Austro;

Istos flare iube sine nimbis et sine nube!

5

Cesset flare parum gelidus turbator aquarum,

Ne uoret Imarum mare triste, uorax et auarum!

Sic ferat Imarum, quod ei mare non sit amarum;

Pondus tam carum Zephirus ferat et mare clarum!

Non uia terrarum, set me uia terret aquarum.

10

"Cur mare te terret?" Quia me mare non bene ferret;

Cumque fretum uerret, uereor, ne nauis oberret.

More uolantis auis uolat alta per equora nauis

Planiciemque salis uelut ales transuolat alis.

Me ratis alata, me terret et unda salata.

15

Si ruat in cautem, ratis est factura "Tu autem,"

Et rate confracta de me sunt omnia facta.