Ianuarius

Prima dies Iani est qua circumciditur Agnus.

Sancta Genouefa trinis in sanguine fulget.

Octauis idus colitur Theophania Christi.

Ast quinis colitur sanctus in orbe Iudocus.

5

Idibus Hilarius conscendit culmina celi.

Felix confessor nascendo rite kalendas

Sacrauit Februi has denas atque nouenas.

Sacratur ueneranda dies per secula Mauri.

Sedis apostolice Marcellus presul obiuit.

10

Sedecimas Antonius optinet aeque kalendas.

Ter quinis Februi ueneratur Prisca kalendas.

Tres decimas Sebastiano; tenuisse refertur,

Bis senas meritis munda fulgentibus Agnes.

Insignis uictor scandit Vincentius astra.

15

Stelliferam monachus Macharius iuit in aulam.

Glorificet Paulum conuersum plebs reuerenter;

Octauis fulget sancta conuersio Pauli,

Octauas decorat Agnetis uirgo kalendas:

Tu quoque, uirgo pia, quinis letaberis, Agna.

Februarius

20

Prima dies Februi est iam qua patitur Policarpus;

Brigida cum Domino meruit pausare kalendis.

At quarto nonas Christus templo offerebatur.

Nonarumque die festum celebramus Agathe.

Pontificum colitur ueneratio sanata uerent<e>r

25

Vedasti celsi necnon splendentis Amandi,

Secretum penetrauit ouans Scolastica Caeli.

Aula Valentino Domini patuit reuerendo.

Sic Iuliana et bis septenas ornat honore.

Pontificis cathedre Petrus sortitus honorem.

30

Ac senas merita Mathias uirtute dicabat.

Aula Dei patuit Oswaldo pridie Martis

      Pontifici summo alta petendo poli.

Martius

Hinc Idus Martis quartas Gregorius aurat.

Patricii merita sex dene, ferte, kalende.

35

Cuthbertus denas tenuit ternasque kalendas.

Bis senis sanctus post quem sequitur Benedictus.

Octauis merito gaudet Conceptio Christi.

Aprilis

Pridie Ambrosius nonas decessit Aprilis.

Pridie diluuium terras obtexerat altas.

40

Idus Aprilis Euphemia uirgo sacrauit.

Ter senis Maii Tiburtius atque kalendis.

Valerianus ouans conscendit regna polorum.

Summa poli gaudens petiitque Georgius almus.

Septenis Marcus meruit pausare calendis.

45

Florigeram sedem Vitalis adit paradysi.

Pridie transfertur archa densissima ab undis.

Maius

Iacobus seruus Domini pius atque Philippus

Mirifico Maias ueneratur honore kalendas.

Nonis in quinis gaudet Inuentio Ligni.

50

Iohannis sacri recolenda dies memoratur.

Vrbanus celsum donum sumpsit papa Christi.

Anglorum presul decus Augustinus in arce

Conspicua celi cum sanctis rite locatus.

Germanus sacer atque pius subuectus ad aethra.

Iunius

55

Pro Domino passi Marcellinus Petrus atque.

Pontificalis apex decorauit rite Medardum,

Gildardum - fratres quos gloria continet una.

Geruasius denis patitur ternisque kalendis

Protasius simul in regnumque perhenni <uocati>.

60

Obtulit Albanus Christo libamina grata.

Aetheldrytha poli subiit fastigia summa.

Estque Iohannes bis quadris Baptista colendus,

Natalis pulchre feste plaudente corona.

Martyrio et Paulus senis ouat atque Iohannes.

65

Doctores Petrus atque Paulus ternis sociantur,

Maxima quos palma clara<t> sibi lumina mundus.

Iulius

Fonte salutari gemini Processus ac almus

Martinianus erant quos ornat gratia summ<a>.

Eximii pulchre colitur patris Benedicti

70

Agminibus tantum niueis translatio celsa.

Purpureis sanctis iunctus Koenelmus in arce.

Iacobum fratremque Iohannis more colendum.

Antistes Samson feliciter alta petiuit.

Sanctificant Abdo et Sennis ternis uenerando.

75

Ad patriam celi Germani transitus est iam.

Augustus

Angelus absoluens Petram de carceris antro

Rupit onus ferri, quo graue strictus erat.

Martyrii palma Stephanus papa scandit Olympum.

Leuite Stephani rutilans inuentio fulget.

80

Rex Oswold<us> cesus regnum sublime potitus.

Augustus Syxtum octauis tenet idibus aptum.

Eterna<m> martyr scandit Cyriacus ad arcem.

Bis binis uictor superat Laurentius hostes.

Culmina celsa pii petiit Tyburtius almus.

85

Yppolitus fulgens transcendit dindima celi.

Sancta Dei genitrix senas ter constat adire

Angelicos uecta inter cet<u>s uirgo kalendas.

<Oct>onas sanctus sortitur Bartholomeus.

Celica magnifici peruenit ad agmina Christi

90

Augustinus, in orbe micans cum dogmate summo.

Bis binis passus colitur baptista Iohannes.

September

Morte salutari clarus Bertinus obiuit.

S<p>lendet honore dies summo quo uirgo Maria

Stirpe Dauid regia procedens edita mundo.

95

Ciuibus ethereis Eadgitha die hac sociatur.

Lanbertus meritis sociatur cetibus almis.

Vndecimas capit et Matheus doctor amenus.

Mauricius decimas martyr cum milibus una.

Magnifici gemini Cosmas ast et Damianus

100

Culmina stelliferi celi petiere beate.

Michaelis ternas templi dedicatio sacrat.

Interpres legis Ieronimus astra subiuit.

October

Marcus apostolicus stipatus lumine summo.

Atria Calistus petiit radians papa uite.

105

Doctor ter quinis, Lucas, succurre kalendis.

Liquerat hic fragilem glebam summus heremita

Hylarion Christi alta petendo poli.

En properat sol<i>um summ<e> genetrici<s> in orbe;

Cunctorum atque simul Sanctorum hoc ueneratur.

Nouember

110

Multiplici rutilet gemma ceu in fronte Nouembri,

Cunctorum fulget Sanctorum laude decorus.

Quattuor hi sancti roseis sertis Coronati.

Martinus Turonis scandit saper idibus astra.

Plausit ouans presul Britius subuectus ad alta.

115

Eternum solium conscendit hac die Machu<tus>.

Astra poli petit Eadmundus decoratus honore;

Gaudent Angligeni laudibus almificis.

Cecilia scandit stipata lumine Phebum.

Clementis leti ueneramur festa nouenis

120

Octauis Grisogonus ouat uitalibus armis.

Andreas pridias iuste ueneratur ab orbe.

December

Bis ternis celum idus conscendere, Budoc.

Bis senis celum cepit conscendere Thomas.

Octauis Dominus natus de uirgine casta.

125

Martyrio Stephanus septenis alma petiuit.

Bis ternis euangelicus scriptor penetrauit

Angelico uectus tutamine uirgo Iohannes.

Siluestrem pridias celebramus ab orbe uerendum.