Instar solis, ave! tocius luminis atque -

Vt flos cum lauro, sicut christallus in auro,

Sic luces forte mulierum sola cohorte.

Sol superat lunam, mulierum tuque figuram.

5

Hinc tuus aspectus succendit denique pectus

Sic in amore tuo, quod nil intendere curo

Preter te solam, post Christum patris Sophiam.

Corpore nunc absum, tibi sensu sedulus assum;

Non vetat hora cibi me sepe tui reminisci.

10

Hoc tacitus dicam quando considero vitam:

"Eia! si nobis iam iam locus esset amoris!"

Optans gaudebo, p[er] quod nequit esse dolebo.