Vbere multarum, carissima, deliciarum,

Ecce, tua facie castigas me sine fine.

O dulcedo mea, tota dulcedine plena,

O quam pulchra meis oculis et honesta videris!

5

In cono capitis auro tu consimilaris,

Effulgent oculi tibi sicut radius auri,

Aurea cesaries, dimissaque lactea cervix,

Guttur habes lepidum, cuncta dulcedine plenum,

Testudo manuum, tornatilis, talis ut aurum.

10

Immo te solam plus cunctis dico decoram -

Censeo te pulchram maculam quia non habes ullam.