Celitus artifici res elimata paratu,

      Cui Natura "Meum sis, Thai," dixit "opus" -

Ei mihi plus nimio ferrumque lapisque roganti!

      Esto minus ferrum, queso, minusque lapis.

5

Cur, cum Pirra suo mollivit saxa rotatu,

      Non movit saxum pectore Pirra tuo?

Ne pudeat lesos vite sibi complacuisse

      Teque sibi speculum composuisse deos -

Cui Phebus crines, oculos Venus, ora Cupido,

10

      Quodque minus laudo, Mars sua corda dedit.

Tolle tuum Martem demissum numen ab astris:

      Mutuus alterna pace tuetur amor.