Mater materne rationis, adesto superne!

Matrem devote filius audio te.

Ecce, lyram recito:

Quantum gauderet si se semel ire deceret

5

      Imantopoda gens, poplitibus peragens

Cursus retrograda -

Alysinus quantum miratur flumine cantum,

      Aut antropophagus quam cupit ore vagus

Cognato pasci -

10

Quam gaudetque mori cui mors est mixta sopori

      Postquam dens hipnale † fixit amara male, †

Vulnera seminet ei -

Gressibus innatis quam scenopoda quoque latis

      Et quam ventilabris alce popella labris

15

Congaudet paribus -

Quam letusque bonus solet hic fons esse Gelonus

      Cum replet haut gravidas aut relevet gravidas

Germine feminulas -

Corvus quam gaudet quia solus ab omnibus audet

20

      Seva camelonis ferre venena bonis

Vnguibus incolomis -

Tam sum gavisus, isto michi tempore visus,

      Propter quod merui dogmatis, alma, tui

Pocula melliflua.