Nisum querebam: nisos michi mittis, amice,

      Vnum querebam: mittis, amice, duos.

Mittis utrumque michi nec eosdem mittis in usus:

      Officium arte tua novit uterque suum.

5

Illum fers, hic te; per eum volucres capis, hic te;

      Illum carne trais, te trait iste sua.

Ille die volat, hic tenebris; illum veit aether,

      Hunc thorus; ille fugit, provocat iste manus.

Ille solutus aves capit, hic homines laqueatus,

10

      Ille volans volucres, dum iacet, iste viros.