In decanum, quia fratrem exacerbaverat

Vnde, decane, tibi, sed de cane, sed canis, unde

      Hic novus est animus vel novus unde rigor?

Vnde novas vires nodosae vincula linguae,

      Sermo rudis, raucae murmura vocis habent?

5

Pelle fugas pecudes: auris patet, exue pellem!

      Nil preter pellem, quo timearis, habes.

Sit satis ergo tibi, tibi linea prima tabellae,

      Prima tibi sedes primaque thura! Sile!

Iura potestatis, quia contra iura potestas,

10

      Dum per te subeunt, te subiisse dolent.