Rex Henricus obit, decus olim, nunc dolor orbis.

      Numina flent numen deperiisse suum.

Mercurius minor eloquio, ui mentis Apollo,

      Iupiter imperio, Marsque uigore gemunt.

5

Ianus cautela minor, Alcides probitate,

      Conflictu Pallas, arte Minerua gemunt.

Anglia que cunis, que sceptro numinis huius,

      Ardua splenduerat, iam tenebrosa ruit.

Hec cum rege suo, Normannia cum duce marcet.

10

      Nutriit hec puerum, perdidit illa uirum.