Balsama quod spirant recenter acta,

Quod suaue spirat crocus rubescens

Lilia quod spirant rosis iugata,

Ozima quod spirant uirensque mirthus,

5

Poma quod hiberna reiecta capsa,

Succina quod niuea manu secata,

Vinea quod canis micans racemis,

Amphora quod nigro spumans falerno,

Serica quod claris reiecta prelis,

10

Arbore quod candens ager frequente,

Gleba quod estiua respersa nube,

Thura quod altari nouo cremata,

Vnctis quod redolet comis corona,

Quod uiole molles ceresque florens,

15

Quod qui Siccanias opes dat hortus,

Quod modo messor Arabs radice secta,

Quod fumans aloe recensue nardus:

Nil horum satis est; simul repone

Omnia: sic redolet, uir o beate

20

Mentis, uirtutum perhennis usus.