Cantemus Domino carmina glorie,

Qui cernens miseros exilio datos,

Se fecit miserum, maximus omnium,

Vt nos efficeret suos.

5

Miris ille modis et rationibus

Pulchris restituit dampna cibi cibo,

Et tersit maculas arboris arbore

In qua se dedit hostiam.

Mortis morte sua fregit acumina;

10

Dum uitam recipit, uiuere prebuit.

Quapropter sit ei magnificentia,

Laus, honor, et iubilatio.