Iam michi signorum via lata, Quirine, tuorum

Patet tuis in laudibus.

Per tua gesta vehor vastum quasi mergus in equor,

Multis ubi natatibus

5

Disiunctas terras et celsas transeo petras

Per summa nunc, per ima nunc,

Aut clarus pergo, vel rursus in abdita mergo

Sententie meatibus,

Scilicet annitens dignos deducere testes

10

Autenticis scriptoribus.

In commendandis causis per nos memorandis,

Ne fluctuans opus ruat.

Ex veterum multis ea traxi carmina scriptis

Incognitis et cognitis.

15

Huic serto flores quesivi nobiliores

Per prata sive per nemus.

At nunc complanata datur michi regia strata

Presente carminis via,

Qua nisi vel scriptum vel teste superstite dictum

20

Versu nichil reponitur.