Ex pago Norici, quem Vaganam dicunt,

Ad martyris mulier devenerat tumbam,

Que calculi morbo periclitabatur.

Incommodo tali biennium ducens

5

De more parturientis intumescebat,

Penitusque sibi fetum tumor pretendebat.

Ea crebro supplicans frequentarat templum.

Clemens patronus obtinenda distulit,

Donec meritum fides instancia captet.

10

Tandem precibus incumbens illa sedulis

Quadam die repente gratiam sensit.

Ex intimis se viscerum lapis solvit.

Festina mox discessit edibus sacris,

In limine considet non prevalens ultra,

15

Quam matrone levantes educunt fessam.

Grates agens Deo petram iecit duram,

Ovo prope comparem fibrisque concretam,

Quas forfice matronarum desecant cure.

Sospes rediit domum sanctique collaudat

20

Magnalia martyris Quirini preclara

In se manifestius probata contestans.