Quidam miles erat captus ab emulo.

Inclusus tenebris sederat anxius,

Omni re miserandus.

Passus vincla diu spe dubitaverat

5

Cunctis auxiliis deficientibus

Illi consiliisque.

Atrox hostis ei clauserat omnia

Spiramenta spei, quem sepeliverat

Intra carceris ima.

10

Tandem commemorans mentis in abdito,

Quantos eripuit casibus asperis

Clemens sepe Quirinus,

Huic devovit equum, qui fuerat domi

Conservatus ei fortis et aptior,

15

Si se liberet inde.

Non dilata diu gratia prodiit.

Vinctus liber abit nexibus erutus,

Menbris sospes et acer,

Qui devotus equum martyris ad sacra,

20

Sicut proposuit, limina deferens

Valvis nectit habenas.

Is vero sonipes carus erat sibi,

Quem nisus precium dando reducere.

In dono solidum fert.

25

Stabat fixus equus, frena tenent fores.

Argentum duplicat, lora nec explicat.

Es parce triplicabat

Non solvens animal; dona quadruplicat:

Stat rursum sonipes, nec nisi septimo

30

Dissolvit solido se.