Miles avarior absque modo,

Proxima rura sibi solitus

Subdere queque potente manu,

Sevus agros violenter agens,

5

Alme Quirine, tuos rapuit,

Quos orientis habet regio

Flumine nobilis Erlafia,

Carmine Teutonibus celebri

Inclita Rogerii comitis

10

Robore seu Tetrici veteris.

Cenobii tamen economi

Propiciis ubi iudicibus

Iura loco petiere sacro,

Pandere predo coactus erat

15

Vel sua rura vel ecclesie,

Limitis ut daret indicium,

Certius utraque qui dirimat,

Quove loco sua desinerent,

Ecclesiastica ius caperent

20

Indubitabile perpetuo.

Vectus equo celeri properat

Raptor agros penetrans avide

Et socians aliena sibi

Limitis arva sui nimium

25

Tendit in adtiguas segetes.

Deicit hunc proprius sonipes

Intolerabiliterque ferit,

Vix sibi vita fuga fuerat,

Vix sine debilitate domum

30

Verberibus domitus rediit.

Ceperat hinc resipiscere iam

Ecclesieque remisit agros,

Quos tulerat dominante manu.

Gloria martyris aucta viget,

35

Laus et in hoc sibi digna datur.