Martyr amoene, tuos hic Christus condidit artus,

      Et tua mens centri scandit ad alta volans.

Tu Tiberina tuis lustrasti littora gestis,

      Et nunc Rhenicolas ossis honore beas.

5

Roma, favente deo vidisti in martyre signa,

      Nunc, Germana cohors, cernis id ipsud opus.

Aulica silvestri delubra in rure locasti,

      Martyr, et in vacuis syrtibus aula micat.

Nazarium vocitat hunc florem natio cuncta,

10

      Nam nazar Hebraea flos bene lingua vocat.

Hunc ego Wangionum veniens festinus ab urbe

      Dum peterem, vidi nube nivem cadere.

Pisciflui Rheni transivi in robore ripas,

      Vt citius possem eius adire locum.