In scripta ualde in speculo mens stulta relucet

Atque uelit, nolit, secum sua crimina ducet.

Dum te lustronem uis per tua scripta negare

Ipsa probant compertori contraria clare.

5

Ergo prestaret, puer effrons, te tacuisse

Quam te scire parum uel nil scriptis docuisse.

Quippe docet te uerborum confusio stultum

Qui sic gramatice ius ledere credis inultum.

Improbe, disce prius partem coniungere parti

10

Quam docto scribas tua ne manus obuiet arti.