Tu quicumque cupis, iuvenis, hunc scire libellum,

Quo calamos poteris vocis inflare sonoros,

Disce tonos primum Romano forte magistro.

Quos varia arte legis plagis cum vocibus octo,

5

Postea sed numerum pedibus et tempora nota:

Sic tibi terna simul dulci modulamine currunt,

Iungere quaeque libent facile et bene verba valebis.

Perficies forsan tibimet tum nobile carmen.

Tu studiose, precor, quapropter in ordine disce,

10

Haec tria concentu quoniam stant maxima rerum.

Omnia certe vigent concordi sidera cursu

Et polus armonico currit per saecla rotatu.

Est decus humanae naturae musica summum,

Quam qui scire negat, ipsum se scire negabit.