"An ego raucisonum videor tibi strepere carmen?

Vox tua certe placet anser velut inter olores.

Experire vales, si audes contendere mecum.

Non dignor tali memet committere bello.

5

Te stimulis pungit forsan ignavia diris.

Nullatenus: sed nunc veniam quocumque placebit.

Dic, obsecro, prius tantum, quo iudice certes.

Iudicium populi potuit hoc totius esse.

Iam mihi sancta placet veterum sapientia iudex.

10

Cur veteres prefers, cum tu nova cuncta legisti?

Iam pedibus numeris qui te dixere legendum.

Quid numeri atque pedes: tantum vox vinnula regnat.

Voce sonora canunt volucres sine regmine sensu.

Nunc scio, duxisti quo me per longa viarum.

15

Quo nisi vox ratione carens aequabitur illis.

Optima sensatae idcirco est modulatio vocis.

Iudicium volui pro quo sapientis habere.

Pax modo conflictum laeta concludat amarum.

Foedera dic pacis quo sint servanda tenore.

20

Impleo te musis, tu me sapientia comple".