Omnipotens dominus docet ut quod fecit agamus.

Desint iura tori: teritur sic semita Christi.

Qui pater es, soboli spatium largire sequenti,

Vt tua contiguis pateant vestigia plantis,

5

Et seges erumpat, dum non quod protulit obstat.

Subdita maternis torpent vitulamina ramis,

Praesto fluunt veteres ad florum germina frondes

Herbaque sectricem vocat orto semine falcem.

Incipiens igitur terreno cespite velli

10

Transplantare polo, spes hinc animata virescat,

Sic radix cordis caeli se transferat arvis,

Vt non lapsurus prorumpat in arbore fructus.