Ipsa viuere michi reddidit!

Cessit prospere, spe plus accidit

Menti misere;

Que dum temere totam tradidit

5

Se sub Venere,

Venus ethere risus edidit

Leto sidere.

Desiderio nimis officit,

Dum vix gaudio pectus sufficit,

10

Quod concipio,

Dum venerio Flora reficit

Me colloquio,

Dum, quem haurio, fauus allicit

Dato basio.

15

Sepe refero cursum liberum

Sinu tenero, sic me superum

Addens numero.

Cuntis impero felix, iterum

Si tetigero,

20

Quem desidero, sinum tenerum

Tactu libero.