Secreti summi nuncius

Descendit dei filius,

Vt hominem saluaret.

Nobis in carne socius

5

Monstrauit euidencius,

Quod hominem amaret.

Nascente dei filio

Noua successit vnccio

Et altera cessauit.

10

Ewangeliste leccio

Dium, qui est redempcio,

Venisse nunciauit.

Qui sic in carne latuit,

Nobis per carnem profuit

15

Et factus est saluator.

Nec mirum, quod hoc potuit,

Set mirum, quod sic voluit

Descendere creator.

Humana carne genitus

20

Carnis humane penitus

Illecebras euasit.

Sic mundus mundo deditus

Mundus est solo redditus,

Sic inferos erasit.