Si mavis perdi lucro quam perdere lucrum,

      Dum captas lucrum captus es ipse lucro.

Que sua sunt, Fortuna tibi conmittere non vult,

      Non sua ne dicas sed tua, que sua sunt.

5

Excubias timet illa tuas oculosque manusque:

      Hos quia non claudis, has quia non aperis.

Hoc ea iuris habet: quod vis, sine iure feratur.

      "Cuncta petas, nil do; nil pete, cuncta dabo".

Quisquis Fortunam non novit, Thaida noscat -

10

      Eius more venit spreta, rogata fugit.

Si satis ergo sapis, cum te delectet habere,

      Parcius affecta - largius illa dabit.