Heres primatum, comitum flos, vas probitatum

Quo ruat elatus, Symon docet hic tumulatus.

Illius eclipsis dolor est virtutibus ipsis.

Orat, ut oretur "Deus illi propitietur".

5

Mors inquit Vite, mota de Symone lite:

"Vis mea Sanxonem, mea subdidit ars Salomonem.

Hic heres horum, meus est ratione priorum.

Non, homo, Sors leta redimet - letis ego meta.

Laus satis expleta, cui lingua lepore repleta,

10

Cui mens discreta, virtus data, crimina spreta".

Sors inquit leta "notet hec in Symone creta".

Mors ait his "theta carbo premat - his ego meta".