Pronus erat Veneri Naso sed ego mage pronus,

      Pronus erat Gallus sed mage pronus ego.

Nasoni, Gallo placuere Corinna, Liquoris -

      Quamque michi nec me cuique placere putem.

5

Vnus me coitus vincit, non mille puellas.

      Vnum qui vix do, quomodo mille dabo?

Opto placere tamen, michi dum placet ulla, sed a me

      Nondum tacta placet - tacta placere sinit.

Spe tantum primi coitus amo; spe satiatus

10

      Vltra quid sperem? Spe nichil ulterius.

Infestare quidem non cessat oves lupus, hostes

      Miles, aves nisus dentibus, ense, pede.

Non lupus esuriens una satiabitur agna,

      Non eques hoste ferus, non ave nisus atrox.

15

Taliter in multis meus heret amor nec ab ulla

      Cessat - plus habita senper habenda placet.

Diligo dum spernor, dilectus sperno faventes;

      Odi, dum cupiam quamque favere tamen.