Patribus orbatum regit artis semita natum,

Artibus imbutum reddunt sua dogmata tutum.

Vita patris transit - nato dubium manet, an sit,

Quas heres durus rapiat sibi, res habiturus.

5

Qui prius ex utero descendit, iure severo

Se dans heredem patris sibi vendicat edem.

Posterius nato prior hec, patre morte gravato,

Inquiet: "O care, tibi consule meque gravare

Mittens, ecce precor, transcurras ocius equor.

10

Artibus insiste, nostris removens studiis te.

Parva michi res est illaque carere quies est,

Sed quamvis parvo pudet hic privarier arvo".

Dic, precor, huic parti, qui nulli dederis arti,

Quid dices? Cedes nec inibis cognitus edes?

15

Simonis ad mores versus hos, "Glisco", priores

Scripsi, quem patri, quem glisco demere matri,

Vt nugas steriles sectas amplexus heriles

Linquat, et ad partes aspirans ambiat artes.