Clerus, fama, valor te magnum, magnificandum,

      Dignum testatur, nuntiat, esse facit.

Carus plus quam tu Deus est tibi, proximus ut tu,

      Res terrena minus ordine, iure, modo.

5

Te ditant Salomon, Cicero, Cato pectore, lingua,

      Moribus - inde sapis, dicis agisque bene.

Tres tria dant uni: superant sic dando, sed unus

      Tres superas, unum qui tribus equiperas.

Corpus sat magnum, mens maior; maximus ipse,

10

      Dignus utroque, places corpore, mente vales.

Illecebris, ratione caro, mens nesciet uti,

      Gaudet - sic habet hec, hec dat habetque modum.

Vita modesta trium, superatque modum modus iste,

      Vincere si modus est in probitate modum.

15

Clerus, plex, Christus exemplum, dogma, pudorem,

      Que das, dicis, habes, accipit, audit, amat.

Ecce rogo, nec digna dari nec digna rogari

      Vt mea digneris verbula respicere.