Pax patrie, decus ecclesie, lex regia, mense

Presul in undeno cadit Engelbertus in ense,

Dum citus, ut templi loca sancta dicaret, abivit,

Iustus iusticie pro lege pericla subivit.

5

Eius quippe nepos Fridericus agens violenter,

Arguitur blande; motus capit arma latenter,

Fit sociis pariter positis in funere causa.

Transit presul, adestque cohors hoc ad scelus ausa.

Septima lux patuit feriarum sexta Novembris,

10

Cum quater octo suis data sunt ibi vulnera membris.

Quintuplat hic quinos, decuplat decies duodenos

Annis, Agrippine quo presul sternitur ense.