Obruitur cum sole dies, cum lampade splendor,

      Cum rectore ratis, cum dominante domus.

Occidit occasu pastoris ouile; lucerna

      Luciferi radiis preradiantis eget.

5

Iustus obit, nec obit; obit orbe, renascitur astris,

      Et iocunda nouum sidera sidus habent.

Ad dominum seruus, ad patrem filius, exul

      Ad patriam, uictor ad diadema redit.

In pastore fuit ouis, in primate minister,

10

      In magno minimus, in dominante cliens.

Vera dies, deus, alma quies, hunc arce serena

      Vt foueas non indigeas stimulo, sed habena.