Quatuor in templo procerum qui pertulit enses,

Imbuit exemplo uirtutis Canturienses.

Ensibus assuetus grex Canturiensis, amore

Iusticie letus, didicit pugnare cruore.

5

Martiris heredes uicium uirtute premendo

Non metuunt cedes matris pro iure tenendo.

Vis ducis egregii gregis ex uirtute uirescit

Causaque supplicii parili de sorte patescit.

Felix conuentus gemino dum subiacet ensi,

10

Non est inuentus similis gens Canturiensi.

Felix conuentus, stabilis quem gratia ditat,

Talibus intentus famam uirtute maritat.

Fama minor meritis, flatu comitante secundo,

Hostibus inuitis, uiget atque uigebit eundo.

15

Dux gregis et morum, decor urbis, honos monachorum,

Flos obiit florum, lux cleri, gemma priorum.

Fructum cum flore rapuit, moriente priore,

Et capud a membris duodena Kalenda Nouembris.