In sponse gremio, patris in lare, matris in aluo,

      Pro patre, pro sponsa, pro genitrice iacet.

Carnis in occasum non occidit, immo supernum

      Surgit in heredem, qui prius exul erat.

5

Magnus erat, modo maior erit, sed maximus immo;

      Orbe bonus - melior, optimus astra petit.

Pro grege dat pastor animam dominoque talentum

      Plenum multiplici commoditate refert.

Celicus hunc orbi rapit axis et ambiciosi

10

      Etheris inuidiam nubila sentit humus.

Qui coluit colitur; qui sanctorum celebrauit

      Festa, relatiuo gaudet honore frui.

Quarto post domini natalem prodiga lucis

      Nos patre lucifero priuat amara dies.