Auctoris mendico stylum, phalerasque poetae,

Ne mea segnitiae Clio deiecta senescat:

Ne iaceat calamus, scabra rubigine torpens.

Scribendi novitate vetus iuvenescere charta

5

Gaudet, et antiquas cupiens exire latebras,

Ridet, et in tenui lascivit arundine musa.

Fonte tuo sic, Phoebe, tuum perfunde poetam,

Vt compluta tuo mens arida flumine, germen

Donet, et in fructum concludat germinis usum.