1.

Omnibus est locuples, qui rebus abundat honestis,

      Cui superas Christus divitias tribuit.

Flecte genu, qui intras, Christum tu et pronus adora,

      Cuius imago super picta colore micat.

5

Lux, via, vita, salus, sit merces omnibus istic,

      Qui Christo reddunt debita vota pie.

En una templum domino hic parte ministro,

      Devotis aliam reddo domum famulis.

Quam dulce et gratum est, fratres perpendite cuncti,

10

Stare choro, et placidis caelestia psallere verbis!

2.

Gratia clave aperit, quae clausa prophetia condit.

Quae lex significat, et quae hagiographa figurat

Psallite vos, pueri laeti, et benedicite Christo,

      Ipse dabit vobis praemia laeta polo.