1.

Vexillum domini qui vicit Tartara Christi.

      En rubet hic pictum luce micando nova.

Quisquis hanc cernis laetus tu dicito Christo:

      Semper in aeternum gloria magna deo.

2.

Crux veneranda dei solis haec fulget ab ortu,

Mitigat haec Austri minitantia flabra procellas.

Haec Zephyri nimbos et flumina pellit ab aede,

Haec Boreae gelidos compescit frigora flatus.

5

Christe pius dominus, visum cor dirige dextra,

      Verba deus famulo redde probata tuo.