Albentes capiat corvos, cignosque nigrantes,

Limaces quoque multiloquos mutasque cicadas,

Cornutos adquirat equos, mutilosque iuvencos,

Pisces nare vetet, constanter avesque volare,

5

Fontes stare citos faciat, tum currere montes,

Ferri cogat aquas sursum, flammasque deorsum,

Limus ad humorem, cera ut durescat ad ignem,

Ossaque sanguinibus tumeant, nervique medullis,

Lumbrici saliant, reptentque in pulvere cervi,

10

Gallinae fundant haedos atque ova capellae.