De Vespertilione et Avibus

Quadrupedes et Aves gererent dum bella furentes,

      Et modo Quadrupedes, nunc fugerent Volucres,

Versutus Vespertilio se mersit utrisque,

      Vt, quidquid fieret, tutus utraque foret.

5

Auribus et mammis se Quadrupedem simulabat;

      Credi par alis Alitibus poterat.

Hac se fraude tegens, inter fera proelia tutus,

      Fallebat stolidum cautus utrumque genus.

Vt fraus nota fuit, genus hunc abiecit utrumque,

10

      Et merito placuit ut neutrum neutri.

Hac re Quadrupedes et Aves dum vespere pulsant,

      Antiquae fraudis conscius ipse fugit.

Sic qui se fallax, nunc his, nunc ingerit illis,

      Omnibus ingratus, iure repulsus erit.