De duabus Canibus

Praestari sibi quaesivit Canis ab Cane tectum,

      In quo foeta suos contegeret catulos.

Praestitit illa libens; peperit Canis; illa revertens

      Istam de lecto iussit abire suo.

5

Ista rogat patiatur adhuc se tempore pauco

      Donec cum catulis possit abire suis.

Hoc quoque concessit; rediens post tempora pauca

      Reddere nolentem cogere coepit eam.

Indignans ait ista: "Potes si sola meorum

10

      Turbam natorum pellere meque nido."

Hinc homines discant ingratis ne sua praestent,

      Qui blande capiunt praestita vique tenent.