De Grege et Lanista

De Grege paulatim maiorem quemque Lanista

      Cornibus ablato dilaniabat eo.

Hic me non tangit", dicebat quisque relictus.

      Sic nullus socio ferre volebat opem.

5

Vnus iam solus restabat de Grege toto;

      Hic quoque mactandus dum traheretur, ait:

"Iure Gregem totum laniasti, saeve Lanista;

      Ad mortem merito nunc quoque ducor ego:

Nam dum de medio Gregis unumquemque trahebas,

10

      Si te quisque suis cornibus appeteret,

Salvus Grex, et ego nunc essem, tuque perisses;

      Haec quia nos tulimus, iure caremus ope."

Admonet haec propriis vicini occurrere damnis,

      Tutus ut alterius fiat et alter ope.