De Pica et Cauda sua

Pica levis quotiens pressis consederat alis,

      Flectebat caudam gesticulando suam.

Cum patria turpem credens se linquere morem,

      Frustra non modicum transiit illa fretum:

5

Nam mox cum ripa consedit in ulteriore

      Vibravit caudam more priore suam.

"Cum patria mores, inquit, mutare putabam,

      Sed mihi nunc vitium trans mare restat idem.

Sic, loca non animum mutans, componere mores

10

      Qui putat, incassum transfretat ille fretum.