Ordine sic numeroque dato per singula rebus,

Clauditur hoc noster contentus fine libellus.

Si queris quot sint per quinque uolumina uersus,

Dat bis tricenos bis mille simulque ducentos

5

Totalis numerus, super excrescendo duobus.

Qui prologum faciunt quique explanatio presunt

Iniciis libri cuiusque: hinc septuaginta

Inde decem per se consistunt separe summa.

Restat adhuc carmen quo presentatio libri

10

Exhibita est dantisque fides, ubi non sibi plaudens,

Immo suis quosdamque sua de gente recordans,

Precommendat eos seseque minorat in illis.

Deinde stilum uariat et primo nomina ponit

Pontificum, subdit reges, ubi singula rerum

15

Inuolucra explanat et dicta priora recludit.

Hic demum uersus in suma carminis huius,

Si quot sint queris, hec septem tolle ducentis

Sed non includas quos primo margine scriptus

Premittit prologus uel quos contenta librorum

20

Ante libros signant qui sunt hec septuaginta,

Inde decem per seque existunt separe summa.

Quod si connumeres ipso cum corpore libri

Extantes alios et summa sit una per omnes,

Preter bis mille sexcentos addere summe

25

Integritate potes sed quatuor inde recides.