Subcellarium

Est subcellarium lauacrum quod conuenit Egris.

      Lucida quo multum dulcis et unda manet.

Pondus et ardorem vesice soluit et egris

      Prouocat urinam tencio cuius obest.

5

Hac hominis varii perlotus curatur in undis;

      Dentes gingiuas in mundificando iuuat.

Passus in estate triteam vel cotidianam

      Aut tepidas febres, sentiat eius opem

Pulmonis, iecoris vicium splenisque medetur.

10

      Tussis ob hoc lauacrum pectore pulsa fugit.

Appetit et stomacus ista perlotus in unda:

      Nam bene digestus redditur inde cibus.

Lentigo, scabies, turpis pannus faciei,

      Hec curantur aqua quando lauantur ibi.

15

Reddit prolixos et claros ipsa capillos,

      Et totum corpus exhylarando iuuat